Foto: @nailsbyalsn

Manikyri ideal i pranverës duhet të japë ndjesinë e freskisë, prandaj idetë për thonj në ngjyrë livando janë kthyer në një zgjedhje kryesore për sezonin. Ky stil është një hap përpara neutralëve klasikë dhe kombinohet lehtësisht me veshjet tipike pranverore. Por nuk është vetëm për minimalistet: livando është gjithashtu baza perfekte për efektet më trendi të thonjve, si pasqyrë dhe efekti “sy maceje”.

Ndërsa rikthehet interesi për manikyrët me efekt qumështi në muajt më të ngrohtë, trendi i thonjve “livando me qumësht” po fiton sërish vëmendje. Ky stil gjysmë transparent shton një prekje të lehtë pastel në pamje. Livando konsiderohet edhe një nga nuancat më universale për thonjtë, pasi i jep shkëlqim një game të gjerë tonesh të lëkurës.

Në vijim janë disa nga idetë më të bukura për thonj në ngjyrë livando, nga stilet klasike te dizajnet më kreative:

1. Livando klasike

Një shtresë e thjeshtë livando është zgjedhje e sigurt për një pamje të pastër dhe elegante.

2. Livando me gurë dekorativë

Thonjtë me gurë janë shumë në modë dhe një bazë vjollcë e butë është perfekte për të shtuar shkëlqim dhe stil.

3. Livando me efekt pasqyre

Stili me shkëlqim të lartë, i njohur për efektin e tij të lëmuar, merr një pamje më të ëmbël kur kombinohet me bazë livando.

4. Livando me ombré

Për një efekt më të butë, livando mund të përzihet gradualisht me një rozë të zbehtë për një pamje delikate.

5. Livando kadife

Efekti “sy maceje” është ndër trendet kryesore të vitit 2026 dhe ky variant në livando jep një ndjesi misterioze dhe elegante.

6. Livando me efekt qumështi

Ky stil dallohet nga një nuancë kremoze dhe gjysmë transparente, e kombinuar me një shtresë me shkëlqim të lartë që krijon efekt të lëngshëm.

7. French livando 

Në vend të së bardhës klasike, maja e thoit në livando i jep manikyrit një prekje më të butë dhe interesante.

8. Livando me efekt perle

Thonjtë me shkëlqim perlë janë shumë të kërkuar dhe kur kombinohen me livando krijojnë një pamje elegante dhe ndriçuese.

9. Livando me efekt “aura”

Ky stil krijon një efekt të butë dhe të shpërndarë ngjyrash, që mund të realizohet në sallon ose edhe në shtëpi.

10. Livando me lule

Dekorimi me lule livando sjell një frymë tipike pranverore dhe një ndjesi qetësie.

11. Livando me efekt mermeri

Për një pamje më të guximshme, efekti mermer në nuanca vjollce krijon një stil modern dhe të veçantë.