Foto: Dakota Johnson në "How to be single"

Shpesh, problemi s’janë të tjerët. Është mendja jote që s’të lë të ecësh përpara në dashuri.

Nëse mendon se njerëzit e mrekullueshëm janë gjithmonë të dashuruar, gabohesh. Edhe më të mirët prej nesh ngecin në kurthet mendore që na mbajnë të bllokuar, ndonëse në letër i kemi të gjitha. Në vend që të ecim përpara, mbetemi peng i ideve të vjetra, frikërave që s’i kemi përballuar kurrë dhe standardeve joreale.

Ja cilat janë 5 mendime që mund të jenë arsyeja pse je ende single, edhe pse në thelb je fantastik/e.

1. Je duke kërkuar “të përkryerin/ën” që s’ekziston

Je fiksuar me idenë e një lidhjeje që funksionon si në romcom-et e vitit 2004. Realiteti? Dashuria kërkon punë, durim dhe kompromise. Njerëzit nuk janë të përkryer dhe kjo është në rregull. Lidhjet e forta ndërtohen, nuk gjenden gati.

2. S’e njeh ende vlerën tënde

Nëse s’e sheh veten si dikush që meriton dashuri të vërtetë, do pranosh çfarëdo gjysmë-emocioni që të vjen përpara. Vlera jote nuk përcaktohet nga dikush tjetër. Vlera është vetë dashuria që ke për veten.

3. Ke frikë nga të qenit më i/e lumtur në lidhje

Duket paradoksale, por është e vërtetë: disa njerëz kanë frikë nga lumturia, sepse ajo sjell rrezik. Kur rrezikon të duash dikë, mund të lëndohesh. Por po s’e bëre, je veç duke jetuar në një version të zbehur të vetes.

4. “Nuk është koha e duhur” është thjesht një justifikim

Gjithmonë të del një deadline, një projekt, një “do jem gati pasi të…”. Por dashuria nuk vjen kur ti je "gati" sipas planit tënd. Ajo thjesht ndodh. Ti duhet të jesh aty kur ndodh.

5. Ke humbur shpresën, sepse je djegur më parë

Një zemër e lodhur është e kuptueshme. Por të qenit cinik/e s’të mbron nga dhimbja, thjesht të mban larg mundësive të reja. Jeta mund të të surprizojë nëse i hap derën.