Dafina uroi Kreshnikun me një video dhe mesazh shumë të ëmbël :’)

Dafina & Kreshniku

Kreshnik Gjergji feston ditëlindjen dhe sigurisht, Dafina Zeqiri zgjodhi ta uronte me një prej momenteve më të bukura në jetën e tyre: Ardhjen në jetë të djalit, Daskanit, i cili lindi disa ditë më parë.

Përmes postimeve në rrjetet sociale, Dafina zgjodhi një video ku Kreshniku merr në krahë të birin e porsalindur dhe shkroi: “Urime ditëlindjen, babi”.

Më tej, ajo e uroi edhe me një mesazh personal, ku theksoi se bashkëshorti i ka ndryshuar jetën:

“Urime ditëlindjen njeriut që ma ndryshoi jetën, përgjithmonë! Shoku im më i mirë, burri im dhe babi i djalit tonë. Të dua pafund!”, shkroi këngëtarja në foton ku ata u bënë prindër për herë të parë.

Dafi dhe Kreshniku kurorëzuan dashurinë e tyre në shtator të vitit të kaluar, në një ceremoni ku morën pjesë familjarë dhe miq të ngushtë të çiftit.