E realizuar prej lëkure cilësore, me tokëza dhe detaje metalike të dallueshme, Roxanne nga Mulberry u bë simbol i fillimit të viteve 2000, duke u shndërruar në aksesorin e preferuar të ikonave të modës së asaj kohe, nga Kate Moss te Alexa Chung. Mbi dy dekada më vonë, kjo çantë legjendare rikthehet në modë, madje më bashkëkohore se kurrë.
View this post on Instagram
Shtëpia britanike e modës e ka ridizajnuar Roxanne në katër versione të reja, duke ruajtur elementët karakteristikë prej bronzi, por duke modernizuar tokëzat dhe linjat e saj. Modelet Mini dhe Small Roxanne mbeten më besnike ndaj dizajnit origjinal, ndërsa variantet e reja sjellin një frymë më moderne.
Ngjyrat si kamoshi në nuancë çokollate, jeshilja e errët dhe e zeza klasike janë ideale për gardërobën e vjeshtës, ndërsa rripat lozonjar i japin çantës një prekje më të këndshme.
View this post on Instagram
Për të shënuar rikthimin, Mulberry ka bashkëpunuar sërish me fotografin e njohur Tim Walker, në një fushatë me protagoniste Cynthia Erivo.
Aktorja u shpreh:
“Si një londineze e vërtetë, më kujtohet sa shumë e dëshiroja një Mulberry, çanta që të jepte status dhe stil. Fushata e kap në mënyrë perfekte shpirtin romantik dhe paksa rebel të Roxanne-s, një energji që e ndiej shumë pranë edhe me stilin tim.Për mua, stili është shprehje dhe bashkëpunim autentik, prandaj jam e lumtur që bashkoj forcat me një shtëpi kaq ikonike britanike që vlerëson kreativitetin, artizanatin dhe ndjenjën e komunitetit.”
