Jenna Ortega nuk zhgënjen kurrë, sidomos kur është fjala për tapetet e kuq dhe energjinë misterioze të Wednesday Addams.
Në premierën globale të pjesës së parë të sezonit të dytë të "Wednesday", e mbajtur në Londër më 30 korrik, 22-vjeçarja u shfaq në një tjetër transformim stilistik që të lë pa fjalë: një fustan me efekt "lëkure gjarpri".
Dizajni i veçantë, i mbështjellë plotësisht rreth siluetës së saj, krijonte efektin e "zhveshjes së lëkurës", metaforikisht dhe në stil. Me një qafë të lartë dhe fund që theksonte linjat trupore, Ortega i shtoi edhe më shumë sensualitet look-ut me thonj nude, një bisht të lëmuar, vetulla të çngjyrosura, buzë të kuqe boronicë dhe rimel lejla; për t’i dhënë gjithë veshjes një frymë gotike, por moderne.
Ajo e kompletoi stilimin me aksesorë në ngjyrë argjendi dhe taka Jimmy Choo, që i shtonin pamjes një nuancë elegance të përmbajtur.
Kjo nuk është hera e parë që Ortega frymëzohet nga personazhi i saj në jetën reale.
“Kur xhironim sezonin e parë, vishja vetëm të zeza. Garderoba ime humbi çdo ngjyrë dhe nuk e kuptova pse,” tregoi aktorja për New York Magazine më parë.
Dhe kjo prirje ka vazhduar në shumë tapete të kuq, siç ishte rasti me fustanin Versace në SAG Awards apo veshjen gotike me kapuç në shfaqjen Saint Laurent.
