“Rutina ime e vetme është të mos kem asnjë rutinë,” — ka thënë dikur Jackie Kennedy Onassis. Por të themi të drejtën, është e vështirë ta besojmë plotësisht. Askush nuk zgjohet duke u dukur kaq perfekt në mëngjes, sidomos në pushime.
Vera është zakonisht stina kur ndiejmë dëshirën për të eksperimentuar me stilin: lule, ngjyra të ndezura dhe motive të guximshme. Por sekreti i Jackie për një gardërobë verore elegante ishte pikërisht thjeshtësia, me disa elementë të përzgjedhur me kujdes.
Një mënyrë ideale për të ditën është me një paletë ngjyrash neutrale: e bardha, e zeza, bluja e errët dhe bezha. Kjo nuk do të thotë se duhet të heqim dorë nga ngjyrat, Jackie i donte ngjyrat e ndezura, por i ruante zakonisht për mbrëmje.
Sa për siluetat? Një këmishë e zbërthyer pak në dekolte, e futur me kujdes në pantallona ose funde me bel të lartë është gjithmonë një zgjedhje e sigurt. Pantallonat kapri, të kombinuara me sandale të sheshta apo edhe zbathur në ishujt mesdhetarë, janë klasikë të saj. Dhe mos nënvlerësoni fuqinë e një bluze të mirë: me mëngë të gjata ose të shkurtra, me jakë të rrumbullakët, është përkufizimi i rehatisë verore.
Pastaj, vijnë aksesorët, pjesa më e bukur: shalle të lehtë, shamia të lidhura me stil, sandale “të padukshme”, dhe çanta ikonike Gucci Constance që Jackie e mbante aq shpesh, sa më vonë u riemërua me emrin e saj. Gjeni aksesorë të bukur, jo domosdoshmërisht markë e shtrenjtë, dhe përdorini pa hezitim. Bizhuteritë? Minimaliste. Syzet e diellit? Të mëdha.
Më poshtë, zbuloni disa nga paraqitjet më ikonike të stilit veror të Jackie Kennedy Onassis dhe frymëzohuni për pushimet tuaja.
