“Ç’janë këto emisione pash’ Zotin”: Mimoza Ahmeti & Gerta flasin për momentin viral (& ikonik)

Mimoza Ahmeti/ Gerta Gixhari

Në jetë dua të kem guximin e Gerta Gixharit, e cila edhe pas videos që është dërguar në çdo DM, ku Mimoza Ahmeti (ose Moz’ siç do t’i thërrasë Grida Duma), i thotë në mes të emisionit: “Ç’janë këto emisione pash’ Zotin”; sërish e ka përballë në “Goca dhe Gra”.

 
E meqë ishin këtë herë jo në transmetim live, Gerta e pyeti Mimozën për videon që qarkulloi vërdallë, se si u ndje, a qeshi, a e mori për ters dhe poetja, ia ktheu siç i ka hije. “Është bërë nami nëpër rrjetet sociale. Je ndjerë keq apo ke qeshur? Se unë personalisht kam qeshur shumë”, tha Gerta.

“Atë nuk e bëra pa e ditur se ku isha dhe pse e bëra. E dija unë! Edhe ti atë që e bëre, e bëre duke e ditur se kush jam dhe ku e bëre”, ia priti Mimoza.

2-0 për Mimozën!
 
E di që s’ka lidhje me artikullin, por ju lutem, shikojeni edhe këtë video! Mimoza është thjesht ikonike!