Bikinit klasike trekëndore do të kenë gjithmonë vendin e tyre, por këtë verë, vajzat me stil po orientohen drejt diçkaje më të rafinuar. Bëhet fjalë për bikinin me dekolte të rrumbullakët, një siluetë që kombinon minimalizmin me elegancën dhe sjell një vibe të lehtë të viteve ’90.
Është i pastër, pa detaje të tepërta dhe duket më shumë si një kanotierë e vogël shik sesa si bikini tradicionale, prandaj po dominon plazhin, pishinat dhe çdo dalje verore.
Ajo që e bën këtë model të veçantë është mënyra si i rri trupit. Dekolteja pak më e lartë krijon një formë më të kuruar, por pa e humbur ndjesinë komode. Të jep aq mbulim sa të ndihesh rehat, pa kaluar në stil sportiv, përveç nëse ti vetë e do ashtu. Në ngjyrat klasike si e zeza, e bardha apo tonet tokësore duket shumë luksoz, por edhe në ngjyra të forta, prerja e thjeshtë e mban look-un elegant dhe jo të ekzagjeruar.
Mbi të gjitha, ky trend lidhet me tendencën më të gjerë të “bazikeve të ngritura në nivel tjetër”, edhe në rrobat e banjës. Bikini me dekolte të rrumbullakët nuk është vetëm për plazh, mund ta veshësh lehtësisht edhe jashtë tij, poshtë një këmishe lino apo kombinuar me veshje verore të lirshme. Është i thjeshtë, i bukur dhe pa sforco, një ngritje e vogël që e bën gjithë garderobën tënde të duket më aktuale pa u munduar shumë.
-
-
-
-
-
Idetë më elegante të prerjeve të flokëve për verën
27 Maj, 10:05 -
-
