Një tjetër ditë, një tjetër përditësim për thashethemet që nuk po shuhen për një lidhje të mundshme mes Zoë Kravitz dhe Austin Butler.
Ja një përmbledhje e shpejtë për gjithçka që ka ndodhur deri tani, nëse s’ishe në dijeni:
Zoë dhe Austin luajnë rolin e dy të dashuruarve në filmin e ri “Caught Stealing” dhe fotot e tyre duke u puthur gjatë një skene qarkulluan kohë më parë, teksa ishin në xhirime. Gjë që... natyrisht bëri që të gjithë të mendonin se ishin në një lidhje edhe në jetën reale.
Në prill, The Sun raportoi se "Austin dhe Zoë kanë kaluar kohë bashkë javët e fundit" dhe se "ata kuptohen shumë mirë”.
“Kimia mes tyre është po aq e fortë jashtë ekranit sa edhe në të. Austin dhe Zoë po e mbajnë të fshehtë dhe nuk po i vënë një ‘emër’ kësaj marrëdhënieje për momentin."
Kalojmë tani në të tashmen! Zoë me Austin janë parë bashkë në New York, në “Viola’s Room”. Edhe pse regjisori Darren Aronofsky ishte me ta, çifti u pa gjithashtu, sipas Page Six, duke u larguar së bashku pas eventit.
Pra... a janë në një lidhje?
Sipas TMZ, jo, janë thjesht miq të mirë. TMZ thotë se ka folur me “disa burime” që pretendojnë se “Austin dhe Zoë janë thjesht miq dhe nuk janë në një lidhje siç po pretendojnë disa persona dhe thashetheme.”
Po ashtu, u tha se Darren u largua nga eventi me ta, duke shtuar se kjo "nuk ishte aspak një takim romantik."
Megjithatë, duket se si Austin ashtu edhe Zoë janë beqarë… megjithëse Zoë është parë kohët e fundit me Noah Centineo, ndaj nuk mund të thuhet me siguri!
