Ekspertja e njohur Emily Nagoski sfidon një nga bindjet më të përhapura për marrëdhëniet, idenë se “shkëndija” dhe pasioni janë thelbi i një lidhjeje të suksesshme.

Sipas saj, kjo është më shumë një mit sesa realitet. Për vite me radhë, na është thënë se pasioni zbehet me kohën dhe se çiftet duhet ose të luftojnë për ta mbajtur gjallë, ose ta pranojnë humbjen e tij. Por kjo mënyrë të menduari jo vetëm që është e pasaktë, por edhe krijon presion të panevojshëm.

Çfarë ka më shumë rëndësi se pasioni?

Në vend që të fokusohemi te “shkëndija”, Nagoski sugjeron një qasje tjetër: kënaqësinë. Sipas saj, një jetë seksuale e mirë nuk matet me intensitetin e dëshirës apo spontanitetin, por me sa shumë e shijojnë partnerët përvojën.

Dëshira nuk është gjithmonë spontane - Ekspertët dallojnë dy lloje dëshire:

Dëshira spontane – ajo që lind papritur, si në fillimet e një lidhjeje

Dëshira reaguese – ajo që zhvillohet gjatë afrimitetit dhe përvojës

Në marrëdhëniet afatgjata, është kjo e dyta ajo që luan rol më të madh. Shpesh, dëshira nuk vjen para momentit intim, por gjatë tij.

Kënaqësia varet nga konteksti

Një tjetër pikë kyçe është se kënaqësia nuk është automatike. Ajo ndikohet nga gjendja emocionale, ambienti, si dhe komunikimi me partnerin.

Ndryshe nga mitet që shohim në filma apo lexojmë në libra, nuk ekziston një “formulë” universale që funksionon për të gjithë.

Në fund, Nagoski thekson se çiftet duhet të ndalojnë së ndjekuri një ideal të vjetër dhe të fokusohen te ajo që ka vërtet rëndësi: komunikimi, besimi dhe kënaqësia e përbashkët

Sepse në një marrëdhënie të shëndetshme, nuk ka një mënyrë “të duhur” për të ndjerë dëshirë seksuale apo pasion ka vetëm mënyrën që funksionon për ju.