Mërkuri kundërshton Uranin dhe shumë të papritura do të ndodhin për shenjat e horoskopit!

Më 10 dhjetor, para se të përfundojë udhëtimin e tij në shenjën e Akrepit, Mërkuri do të përballet për herë të fundit me Uranin në Dem. Kjo mund të ndryshojë papritur dinamikën e një historie, madje të zbulojë një të vërtetë për të cilën nuk ishe gati ta dëgjoje apo ta përpunoje.
 
Dashi
 
Dicka që të thotë dikush do të të prekë më thellë nga ç’prisje dhe papritur do të rishikosh një investim, Dashi. Një koment, një faturë apo një pagesë e harruar mund të zbulojë më shumë sesa vetë biseda. Kjo mund të të frymëzojë të vendosësh një kufi të ri ose të ndryshosh prioritetet në mënyrë që të ndihmojnë portofolin dhe qetësinë tënde.
 
Demi
 
Një bisedë rreth marrëdhënieve merr një kthesë, Dem! Nuk është domosdoshmërisht negative, por të zgjon. Sinqeriteti i dikujt apo një ndërgjegjësim i papritur për ato që vërtet dëshiron ndryshon ecurinë e lidhjes. Madje mund ta surprizosh veten me shpejtësinë me të cilën e ndryshon mendjen.
 
Binjakët
 
Një situatë pune apo një projekt prapa skenës sjell një lajm të papritur. Diçka që e mendoje të thjeshtë, papritur të provon të kundërtën dhe mund të duhet të reagosh shpejt. Mund të dëgjosh diçka rastësisht apo të kapësh një gabim, por ky moment të shtyn t’i thjeshtosh gjërat.
 
Gaforrja
 
Një projekt kreativ merr një kthesë të paparashikuar, por mund të jetë pikërisht ndryshimi që të duhej. Një mik mund të të japë një informacion surprizues ose mund të kuptosh se zemra po të tërheq diku tjetër. Ndiq instinktin!
 
Luani
 
Dinamika familjare ndez një bisedë të papritur, Luan. Një koment i thënë rastësisht mund të të hapë sytë për diçka që duhet ndryshuar në jetën personale. Një surprizë nga puna gjithashtu mund të ndikojë te shtëpia, duke të detyruar të rregullosh orare ose pritshmëri.
 
Virgjëresha
 
Një bisedë merr një kthesë të papritur dhe befas po i sheh qëllimet e dikujt me qartësi absolute, Virgjëreshë. Mund të marrësh lajme gjatë një udhëtimi të shkurtër, një detyre të përditshme apo një bisede të rastësishme që do të të ndryshojë prioritetet e ditës.
 
Peshorja
 
Një surprizë financiare ose një bisedë rreth parave zbulon një të vërtetë që të duhej ta dëgjoje, Peshore. Kjo mund të lidhet me një blerje ose me faktin që dikush vlerëson diçka ndryshe nga ti. Diçka që dukej “e sigurt” tani kërkon fleksibilitet, por ti je gati të përshtatesh.
 
Akrepi
 
Ajo që thua ndryshon gjithçka, Akrep! Kjo përballje ndriçon ndjenjën tënde të identitetit dhe mënyrën si shfaqesh në marrëdhëniet më të ngushta. Mund të surprizosh veten me një vendim të papritur ose një ndryshim drejtimi. Edhe njerëzit rreth teje mund të reagojnë po aq papritur. Ky është një moment ku vendos veten të parin, pa kërkuar ndjesa!

Shigjetari
 
Një ndërgjegjësim të godet nga hiçi, Shigjetar. Diçka e fshehur ose e lënë mënjanë del në sipërfaqe me qartësi dhe ndryshon mënyrën se si po ecën përpara. Kjo është befasi që të ndihmon të lirohesh nga diçka që të ka lodhur dhe të rimarrësh energjinë.
 
Bricjapi
 
Sot e kupton cilat lidhje të japin energji dhe cilat jo, Bricjap. Diçka që dëgjon përmes lidhjeve të tua të ngushta, mund të të bëjë të rishikosh qasjen tënde ndaj një qëllimi apo bashkëpunimi. Vepro me mend dhe kujdes!
 
Ujori
 
Një moment surprizues në punë ose në jetën publike krijon një efekt zinxhir në jetën personale, Ujor. Një vendim apo një kuptim i papritur mund të të bëjë të rishikosh hapin tënd të radhës. Ajo që ndodh të shtyn të riformësosh ambiciet sipas nevojave të tua të vërteta, jo sipas versionit që ke tejkaluar.
 
Peshqit
 
Një bisedë zbulon diçka që të zgjeron perspektivën. Planet e udhëtimit, çështjet shkollore apo ndërveprimet në rrjete sociale mund të vijnë me një surprizë. Mund të ndihesh i frymëzuar të ndryshosh besime ose të vraposh drejt diçkaje që më në fund duket e destinuar për ty.