Tom Cruise dhe Ana de Armas

Mesa duket, Tom Cruise dhe Ana de Armas vazhdojnë të kalojnë kohë së bashku. Ata u panë së fundmi në një jaht pranë Menorkës, Spanjë.

Të dy u fotografuan nën shoqërinë e njëri-tjetrit për herë të parë në një darkë në Londër, në shkurt, me agjentët e tyre për të diskutuar bashkëpunimet e ardhshme. Që atëherë, kanë qarkulluar thashetheme se dyshja mund të jenë në një lidhje romantike.

Pavarësisht paraqitjeve të tyre të shpeshta së bashku, Ana de Armas ka deklaruar publikisht se po punojnë së bashku në disa projekte me regjisorët Doug Liman dhe Christopher McQuarrie, me të cilët Cruise punon prej kohësh.

Aktorja ka shprehur gjithashtu vlerësimin e saj të për mbështetjen e Cruise për filmin e saj “Ballerina”, duke theksuar se ai në përgjithësi tregon interes të madh për prodhimet e reja të kinematografisë.

Dyshja janë shfaqur disa herë së bashku, duke përfshirë një shëtitje në park për ditëlindjen e Ana de Armas dhe duke u larguar së bashku nga festa e David Beckham.

Asnjëri prej tyre nuk e ka konfirmuar ose mohuar nëse janë në një lidhje. Megjithatë, Ana de Armas, duke folur në “Good Morning America” në maj, tha se po kalon një kohë të “mrekullueshme” duke punuar me Tom Cruise, duke lënë të kuptohet se do t’i shohim në disa projekte të tjera së bashku në të ardhmen.