Foto: Jennifer Lopez/ Instagram

Prej vitesh që ndjekim stilin casual të Jennifer Lopez, një gjë është bërë e qartë: sa herë që ajo heq dorë nga xhinset e gjera, zgjedh streçet, por jo ato klasiket në ngjyrë të zezë. J.Lo preferon ngjyrat.

Pasi vitin e kaluar u shfaq shpesh me streçe blu të thella dhe kafe, për vitin 2026 J.Lo ka përqafuar një nuancë të re: bordonë.

Javën e kaluar, ajo publikoi disa foto në Instagram me përshkrimin “Pa komplikime…”. Në foto, këngëtarja shfaqej me një set sportiv trepjesësh në ngjyrë bordo: bluzë me mëngë të gjata, reçipeta sportive dhe streçe me bel të lartë. Pamjen e kompletoi me atletet e saj të bardha nga Nike.

Pse bordo?

Zgjedhja e saj nuk është rastësore. Kjo nuancë e thellë dhe luksoze është një nga trendet kryesore të dimrit dhe pritet të dominojë edhe në pranverë e verë. Edhe pse bordoja duket elegante më vete, siç e tregon dhe J.Lo, ajo bëhet edhe më moderne kur kombinohet me ngjyra kontrastuese si blu e akullt apo rozë e lehtë.

Për ato që zakonisht zgjedhin të zezën, shtimi i një palë streçesh ngjyrë bordo në gardërobën sportive është një mënyrë e thjeshtë për të eksperimentuar me trendin, pa dalë shumë nga zona e rehatisë.