
Është ndarë nga jeta në moshën 40-vjeçare Shpat Kasapi, raportojnë media të Maqedonisë së Veriut.
Sipas medias Alsat, këngëtari ka pësuar arrest kardiak, të cilit fatkeqësisht nuk ka arritur t'i mbijetojë.
Gjithashtu, burime pranë KlanKosova kanë konfirmuar lajmin.
Shpat Kasapi lindi në Tetovë, Maqedoni e Veriut, nga dy prindër shqiptarë, babai nga Dibra e Madhe, ndërsa nëna nga Tetova. Karrierën muzikore e filloi që në moshë të re, në festivalet për fëmijë. Në Shqipëri, u bë i njohur kryesisht pas pjesëmarrjes në Top Fest, ku u shndërrua një nga idhujt e adoleshentëve asokohe.
Gjatë viteve të tij në skenë, Shpat Kasapi u identifikua me disa këngë që u kthyen në hite që i rezistuan kohës, si "Valle Kosovare", "Axhami", "Kush të ndau prej meje", "Falma" etj.
Ai la pas vetes një djalë 3-vjeçar, të cilin e kishte me ish-partneren, Selvije Jao.
