Nëse rishtazi jeta jote është tejet e zënë, me punë, përgatitje për festa, palestër, gjumë dhe gjithçka nga e para, nuk je vetëm! Megjithatë, nëse ndihesh në faj që nuk po i kushton shumë kohë miqve dhe personave të dashur, ka ca mënyra, tek të cilat ndoshta s’të ka shkuar mendja.
Dërgo një mesazh zanor
Nëse s’ke shumë kohë të shkruash një mesazh të gjatë, voice messages të shpëton gjithnjë. Kështu, mund të mbash disa biseda me miqtë! Vërtet mund të jesh personi acarues që dërgon një voice 23 minutësh, por të paktën, do të vijosh të jesh në kontakt.
Një video-telefonatë nuk është kurrë e tepërt
Para se të flesh, mund të bësh një rezyme të ditës me miken e ngushtë. Ose edhe një bisedë në grup. Kështu, do të vijosh të kesh kontakt, të flasësh për ditën tënde dhe të atyre, si dhe të nxjerrësh nga vetja gjithë gjërat dhe situatat negative që ke përjetuar.
Bëj një plan të organizuar
Kur ndihem e mbingarkuar me punë, shpesh nuk më shkon mendja të socializohem me të tjerët. Këtu dalin në pah planet e qëndrueshme! Nëse e ke lënë që të marrësh një shoqe në telefon, thjesht bëja të qartë se e ke telefonuar për ta ditur se gjithçka po shkon mirë me jetën e saj (gjithnjë nëse nuk ke kohë). Po ashtu, veço një ditë në javë për të dalë dhe për t’u argëtuar me miqtë.
Bëj dhurata të vogla dhe domethënëse
Nuk ka pse dhuratat të kushtojnë! Thjesht kur futesh për shembull në një librari dhe do të blesh një libër të caktuar, hidh një sy dhe për një mik të çmuar. Një kartolinë me një dedikim të lezetshëm dhe ja, ke një dhuratë të këndshme, pa ndonjë rast specifik.
-
-
Dhe pse në një lidhje të re, nuk i harroj dot kujtimet tona
31 Tetor, 16:37 -
