Pinterest/@VinfyXp

Gaforrja është një shenjë uji që drejtohet nga Hëna, gjë që ndikon drejtpërdrejt në ndjeshmërinë e saj të thellë dhe lidhjen me botën emocionale. E njohur si një nga shenjat më të buta, më të dashura dhe më të përkushtuara ndaj familjes, Gaforrja është personifikimi i ngrohtësisë dhe empatisë.

Megjithatë, pas kësaj natyre të butë fshihet një anë tjetër: kur lëndohen apo tradhtohen, Gaforret mund të bëhen hakmarrëse dhe tepër të ftohta. Natyra e tyre është e lidhur ngushtë me Hënën, kështu që edhe humori u ndikohet nga fazat hënore.

Gaforret kanë ditëlindjen nga 22 qershori deri më 22 korrik, ndaj ejmi zyrtarisht në sezonin e kësaj shenje delikate. Por me kë përshtaten më shumë Gaforret dhe cilat shenja nuk shkojnë aspak me to?

Shenjat që krijojnë lidhje të forta me Gaforren

Gaforre – Demi

Një nga çiftet më të përputhshëm të zodiakut! Të dy shenjat janë të përkushtuara, të ndjeshme, besnike dhe kërkojnë stabilitet. Marrëdhënia e tyre karakterizohet nga një intimitet i thellë, dashuri për ushqimin dhe një jetë e qetë familjare. Kujdesi i vetëm: të mos e izolojnë veten nga bota përreth.

Gaforre – Akrep

Dy shenja uji që e kuptojnë njëra-tjetrën pa fjalë. Janë intuitivë, të ndjeshëm dhe jashtëzakonisht besnikë. Akrepi ndjehet i sigurt me një Gaforre që e bën të ndihet i dashur dhe i pranuar. Marrëdhënia e tyre është plot pasion dhe përkushtim.

Gaforre – Peshqit

Ky kombinim është po aq emocional sa i qëndrueshëm. Të dy janë të butë dhe kanë aftësinë të mbështesin njëri-tjetrin në kohë të vështira. Marrëdhënia e tyre ka potencial për të zgjatur shumë dhe për të qenë e thellë emocionalisht.

Shenjat që përplasen me Gaforren

Gaforre – Dashi

Një marrëdhënie plot pasion, por e vështirë për ta bërë të funksionojë. Gaforrja dëshiron siguri dhe përkushtim, ndërsa Dashi është impulsiv dhe në lëvizje të vazhdueshme. Emocionaliteti i Gaforres e lodh shpejt Dashin, që preferon aventurat më shumë se sa përkushtimin.

Gaforre – Binjakët

Binjakët janë shenja më sociale dhe më pak e lidhur me emocionet e thella. Ndërsa në fillim mund të ndihen tërhequr nga ndjeshmëria dhe thellësia e Gaforres, shumë shpejt rutina i lodh. Gaforrja kërkon stabilitet, ndërsa Binjakët duan liri dhe ndryshim të vazhdueshëm.

Gaforre – Ujori

Ky është një ndër çiftet më të vështira. Gaforrja është e lidhur ngushtë me familjen dhe emocionet, ndërsa Ujori është i pavarur, ekscentrik dhe shpeshherë emocionalisht i ftohtë. Aty ku njëri kërkon siguri, tjetri kërkon distancë. Përplasja është thuajse e pashmangshme.