Google Image

Nuk e di për ty, por unë jam ngopur me xhinset e gjera. 

Por me sa duket, jo vetëm unë. Jennifer Lawrence u shfaq me xhinse të shkurtra deri në kyç, një bluzë të bardhë të lirshme, një varëse dhe syze dielli të errëta. Pamje e pastër amerikane për një mëngjes të shpejt.

Lawrence e kompletoi pamjen me një palë këpucë të sheshta prej lëkure, një unazë, një termuz në dorë dhe një çantë të zezë prej kamoshi. 

Kjo veshje përfshin disa nga pjesët e preferuara të garderobës së kujtdo që dëshiron gjëra sa më praktike dhe të bukura. Xhinse të thjeshta, bluzë e bardhë, këpucë të sheshta dhe një çantë kamoshi. 

Ndaj, nëse je lodhur nga shumëllojshmëria e prerjeve të xhinseve, aktorja sapo na rikujtoi se është koha t’i rikthehemi klasikeve.