FOTO: Daryna Zaichenko via Getty Images

Në punë, ne vazhdimisht duhet të marrim vendime, por çfarë ndodh kur kjo bëhet e vështirë dhe thjesht stresuese?

Që nga momenti kur zgjohemi në mëngjes e deri sa na zë gjumi, ne vazhdimisht duhet të marrim vendime. Qoftë për faktin se çfarë të veshim në zyrë apo ku ta marrim kafen e mëngjesit, ne jemi nivel në zgjedhjesh të vazhdueshme.

Në fakt, sipas Psychology Today, njerëzit marrim deri në 35 mijë vendime në ditë. Charlotte Davies, një eksperte karriere në LinkedIn, thotë se ekzistojnë tre strategji të thjeshta që nëse i zbatoni në përditshmëri do e keni më të lehtë të ndërmerrni vendime.

#1 Dalloni momentin kur jeni i/e ngarkuar

Siç thotë Davies, lodhja nga vendimet mund të bëhet një gjende stresuese. Pra, është e rëndësishme ta dalloni se kur ndiheni të mbingarkuar në mënyrë që të filloni ta trajtoni si situatë.

"Një shenjë e dukshme e lodhjes së vendimeve është ajo ndjenja e mbingarkesës që përkeqësohet me kalimin e ditës," thotë Jessica Breëer, trajnere karriere. “Kur filloni ditën mund të ndiheni super produktivë, por, me kalimin e orëve, kuptoni se po shmangni përgjigjen ndaj emaileve dhe mesazheve. Puna juaj fillon të zgjatet më shumë, ose vini re se disa nga vendimet që merrni më vonë gjatë ditës janë impulsive dhe më pak të menduara. Të gjitha këto janë shenja që kërkojnë vëmendjen tuaj.”

#2 Menaxhoni sa më mirë kohën

Kur e menaxhoni mirë kohën tuaj, vendimet duhet të jenë më të lehta për t'u ndërmarrë. Praktikat joefektive të menaxhimit të kohës mund të çojnë në vendime të nxituara, duke rritur stresin dhe duke ulur cilësinë e vendimmarrjes.

#3 Bëjini bashkë vendimet e ngjashme

Një mënyrë tjetër për të parandaluar vendimet impulsive është pikërisht grupimi i tyre në kategori. "Gruponi detyra dhe vendime të ngjashme së bashku për të zvogëluar sasinë e kohës dhe përpjekjes që duhet të shpenzoni duke menduar rreth tyre," sugjeron Davies.

Artikuj të sugjeruar: