Me siguri do të pajtoheni me faktin se nuk ka zakon më të këndshëm dhe më të duhur bukurie sesa një pastrim shumë i mirë i lëkurës, mëngjes dhe mbrëmje, pavarësisht nëse përdorni grim apo jo. Është hapi i parë në kujdesin e lëkurës dhe “themeli” i një fytyre të pastër. Nëpërmjet procesit të pastrimit, qelizat e vdekura hiqen dhe poret pastrohen plotësisht nga sebumi i tepërt dhe pikat e zeza, duke lejuar që lëndët ushqyese në produktet kozmetike të depërtojnë më thellë në shtresat epidermale dhe të kenë një efekt më të mirë anti-plakje dhe hidratues.
Një faktor i rëndësishëm në pastrimin e duhur të fytyrës është zgjedhja e produkteve të përshtatshme, në mënyrë që ato të plotësojnë nevojat specifike të çdo lloji të lëkurës (e thatë, e yndyrshme, e kombinuar). Megjithatë, shpesh, qoftë nga nxitimi apo nga pakujdesia, ju zgjidhni ta bëni me metoda të gabuara, të cilat më shumë i bëjnë dëm sesa mirë gjendjes së lëkurës.
Lani fytyrën me ujë të ngrohtë
Të vendosësh fytyrën nën ujë të nxehtë, mund të jetë relaksuese, por si nxehtësia ashtu edhe presioni i ujit ka të ngjarë të dëmtojnë zonën e ndjeshme të fytyrës. Sipas ekspertëve, vajrat natyralë që mbrojnë fytyrën nga shfaqja e parakohshme e rrudhave humbasin, duke shkaktuar skuqje intensive në lëkurë.
Përdorni vajra esencialë për të pastruar fytyrën
Vajrat esencialë janë produktet e preferuara në botën e bukurisë, sepse ato janë zgjidhje natyrale për kujdesin e lëkurës. Megjithatë, ato nuk janë ideale për zonën e fytyrës, pasi mund të shkaktojnë edhe acarim shumë intensiv. Për më tepër, vajrat esencialë mund të jenë arsyeja pse puçrrat shfaqen në disa lloje lëkurash.
Përdorni vaj kokosi për të pastruar fytyrën
Vaji i kokosit ka disa veti antibakteriale, por konsiderohet i dëmshmën për lëkurën e prirur ndaj akneve. Ky vaj vepron më pak si një "vaj" në lëkurë dhe më shumë si një dyll, duke krijuar një "shtresë" që nuk lejon poret e lëkurës të marrin frymë, përkundrazi i bllokon ato, duke rezultuar në puçrra dhe lëkurë të thatë. Nëse e përdorni për të hequr grimin, ekspertët thonë se do të ishte mirë ta shmangni.
Artikuj të sugjeruar:
