E zeza dhe kafja janë zgjedhjet e sigurta kur vjen puna te peneli. Duken gjithmonë bukur, shkojnë me gjithçka dhe rrallëherë zhgënjejnë. Por nëse i përdor çdo ditë, ka mundësi që të ndihesh pak e lodhur nga i njëjti look.
E vërteta? Peneli nuk ka pse të jetë gjithmonë i zi. Ka ngjyra që duken po aq chic, po aq lehtësisht të përdorshme dhe që i shkojnë çdo ngjyre sysh, çdo forme syri dhe çdo toni lëkure. Nëse do një ndryshim të vogël që bën diferencë të madhe, këto janë disa alternativa (përveç të zezës dhe ngjyrës kafe) që ia vlejnë.
1. Bronzi: Një kafe e ngrohtë me shkëlqim të lehtë që i jep syve shkëlqim.
2. Blu (navy): Ngjason me të zezën, por nuk është shumë e fortë dhe e bën makeup-in të duket menjëherë më elegant.
3. Bordo: Një miks mes ngjyrës kafe dhe vjollcës që i përshtatet çdo toni lëkure dhe sysh.
4. Gri e lehtë: Kjo nuancë e lehtë dhe e ftohtë krijon efektin e një peneli më të zbutur dhe është e përkryer për ditën dhe një look minimalist.
5. Jeshile si ulli: Thekson bukur çdo ngjyrë sysh falë tonit të ngrohtë dhe të zbehur.
