Nëse do të duhej të veçonim një nga tendencat më të spikatura të manikyrit kohëve të fundit, do të ishte pa dyshim manikyri francez në ngjyra të ndryshme. Ky stil i transformuar i thonjve ka dominuar rrjetet sociale gjatë viteve të fundit, me pafund variacione që nuk rreshtin së surprizuari.
View this post on Instagram
Mjafton të hapni Instagram, TikTok apo Pinterest për të parë se sa shumë versione ekzistojnë, nga format klasike te ato më eksperimentale, nga ngjyrat pastel te ato më të theksuara, manikyri francez ka gjetur mënyra të reja për të qëndruar në qendër të vëmendjes.
Me ardhjen e vjeshtës dhe rikthimin e nuancave të errëta si pjesë e garderobës, edhe thonjtë po përshtaten me atmosferën e stinës. Modelet që do të shohësh më poshtë janë perfekte për këtë periudhë dhe mund të jenë zgjedhja jote e radhës për një manikyr me stil në ditët gri.
