Nëse po pyesni se çfarë po mbajnë vajzat që dikur quheshin “It girls” në Europë dhe Shtetet e Bashkuara këtë nëntor, përgjigjja është e qartë: një shall prej leshi artificial. Ky aksesor i dimrit u kthye shpejt në mënyrën më e thjeshtë për të përditësuar një veshje pa bërë një investim të madh.
Nga Berlini në Paris e deri në New York, njerëzit e modës po e stilizojnë këtë aksesor në çdo mënyrë: të mbështjellë ngushtë rreth qafës, të hedhur lehtë mbi shpatulla, të mbajtur në dorë apo të vënë mbi çantë. Madje zgjedhin nuanca të ndryshme, nga kafe e thellë tek e bardha dhe e zeza.
Por ngjyra nuk është e rëndësishme, çdo variant tregon siguri dhe një stil që flet vetë. Për më tepër, është një mënyrë e zgjuar për të ringjallur veshjet e dimrit që përdor shpesh dhe për të dhënë ndjesinë se po ndryshon gjithçka, edhe pse xhaketa e zezë është e njëjta.
Momenti i shallit prej leshi artificial nuk është rastësor. Ky aksesor dominoi sfilatat e vjeshtës/dimrit 2025 dhe u kombinua me gjithçka, nga fustanet prej mëndafshi te xhaketat e mëdha me frymë burrërore. Tani që temperaturat bien në të dy anët e Atlantikut, trendi ka dalë nga pistat e modës drejt jetës reale dhe ne jemi këtu për ta ndjekur.
-
Këto kombinime sapo më bindën që t’i rikrijoj menjëherë! *.*
21 Nëntor, 13:06 -
-
-
-
