French-i klasik? Harroje për pak. Këtë pranverë, trendi është versioni “deep French”, më i trashë, më i theksuar dhe shumë më dramatik. Në vend të vijës së hollë të bardhë, artistët e thonjve po luajnë me forma më të guximshme, ngjyra të forta dhe detaje që bien në sy.
French-i është si një “kanavacë bosh”, që mund ta transformosh si të duash: nga ngjyra të buta pranverore, te modele, tekstura kromi apo efekte “sy mace”. Frymëzimi vjen nga vitet ’90, me maja më të trasha që shkojnë përtej vijës natyrale të thoit dhe krijojnë një look nostalgjik, por modern.
Artistë të njohur të thonjve kanë sjellë versione super krijuese: nga maja të kuqe që mbulojnë pothuaj gjithë thoin, te modele me gurë dhe vija për evente si Coachella. Dhe po, mund ta bësh edhe vetë këtë stil, qoftë me kombinime klasike rozë-bardhë, apo me modele më lozonjare.
1. Miks printesh
French-i i thellë lë shumë hapësirë për të përzier modele të ndryshme, printime, vija, detaje kromi. Sa më e guximshme, aq më mirë.
2. E verdha “gjalpë”
Kombinimi i së verdhës së butë me tone frutash pylli është super pranveror. Bonus: detaje 3D si qershi apo printime kafshësh.
3. Lule zambaku
Një french i bardhë që nuk është fare bazik, me nga një lule elegante zambaku në gishtat e mesit për një efekt shumë klasik.
4. Lule në lulëzim
Maja të verdha të buta të kombinuara me lule në ngjyrë vjollcë. Pranverë në maksimum.
5. Print hibiskusi
Ngjyrë e kuqe e errët, formë katrore dhe vibe i fortë i viteve ’90, si ato setet klasike të salloneve dikur.
6. Vija grafike
Vija të trasha të kuqe mbi french-in e bardhë. Minimal, por që bie menjëherë në sy.
7. Pika “boronice”
Ngjyrë blu e lehtë, pika dhe dizajne frutash, një kombinim i ëmbël dhe lozonjar për sezonin.
8. Krom klasik
French me efekt kromi = glam i përjetshëm. Forma bajame e bën edhe më elegant.
9. Buburreca
Detaje të kuqe me buburreca mbi një bazë të bardhë shumë të trashë. Ndjesi komplet verore dhe pak nostalgji nga vitet ’90.
10. Matcha me luleshtrydhe
Rozë + jeshile = kombinim i butë dhe estetik. Shtoji elementë 3D dhe pak shkëlqim për efekt maksimal.
