Çifte me lidhjet më të shëndetshme në TV

Marrëdhëniet e gjata nuk janë perfekte, por çiftet e lumtura kanë disa zakone të përbashkëta që i ndihmojnë të përballojnë momentet e tensionit. Ja çfarë bëjnë ata ndryshe:

1. Reflektojnë: “A ka lidhje kjo me të kaluarën time?”

Shumë konflikte nuk kanë lidhje vetëm me partnerin, por me plagët që mbartim nga fëmijëria. Kur je i vetëdijshëm për këtë, ke më shumë kontroll mbi reagimet e tua.

2. Heqin “syzet e dashurisë” dhe shohin realitetin

Krijojnë një listë: pritshmëritë vs. realiteti i marrëdhënies. I ndihmon të balancojnë idealizmin me atë çfarë është në të vërtetë.

3. Vizualizojnë versionin më të mirë të vetes dhe të lidhjes së tyre

Imagjinojnë si do të silleshin në një marrëdhënie të shëndetshme dhe pastaj punojnë për t’u sjellë ashtu në realitet.

4. Mbështeten te miqtë e duhur

Nuk vënë gjithçka mbi shpatullat e partnerit. Bisedat me miq që janë në një fazë të ngjashme i ndihmojnë të shkarkohen emocionalisht.

5. Mësojnë gjëra të reja, vetëm ose bashkë

Hapja ndaj eksperiencave të reja freskon dinamikën e lidhjes. Mësoni një aftësi të re, shkoni në një kurs, provoni diçka ndryshe së bashku.

6. Emërtojnë zakonet e tyre më të këqija

Nëse nuk e pranon se ke një sjellje të dëmshme, nuk mund ta ndryshosh. Këta njerëz marrin përgjegjësi për pjesën e tyre në konflikt.

7. Bëhen të vetëdijshëm kur po përsërisin zakonet e këqija

Pasi i kanë identifikuar, fillojnë të vërejnë kur po aktivizohen zakonet e këqija - dhe përpiqen të ndërhyjnë sa më herët që të munden.

8. Fokusohen te ajo që munden të kontrollojnë

Nuk fajësojnë vetëm tjetrin. Marrin përgjegjësi për sjelljen e tyre dhe zgjedhin një mënyrë më të butë për të komunikuar.

9. Kujtojnë veten të jenë të pranishëm

Shumë konflikte ndodhin në "autopilot". Partenerët e lumtur praktikojnë vetëdije (mindfulness) që të kapin veten para se të reagojnë.

10. Vëzhgojnë gjuhën e trupit të partnerit

Fjalët mund të gënjejnë, por trupi jo. Një frazë si “nuk më intereson” me lot në sy tregon më shumë se një deklaratë e thatë.

11. Përdorin dëgjimin reflektiv

Për të shmangur keqkuptimet, ata kthejnë mbrapsht atë që kanë dëgjuar: “Po më duket sikur po thua këtë… a e kam kuptuar saktë?” Kjo ndihmon të qartësohet qëllimi përpara se të reagojnë.

Morali? Marrëdhëniet e shëndetshme nuk janë pa probleme, por janë plot përpjekje të vogla, të përditshme. Dhe çiftet që zgjedhin ta kuptojnë njëri-tjetrin më shumë se të fitojnë debatin… janë ata që zgjasin më shumë.

_{Burimi: Your Tango}