Një kapitull i ri ka nisur në jetën e Adrian Gaxha. Këngëtari i njohur është bërë baba për herë të parë me partneren e tij Sidorela Dauti.
Lajmin e bukur artisti e ndau vetë përmes një postimi në Instagram, edhe pse prej kohësh ka zgjedhur ta mbajë jetën private larg vëmendjes së mediave.
Në fotografinë e publikuar, krahas imazhit, këngëtari shkroi : “Mirë se vjen”.
View this post on Instagram
Pas publikimit të postimit, nuk munguan as urimet. Miq, kolegë dhe personazhe të njohur të showbiz-it shqiptar i uruan çiftit lumturi dhe shumë dashuri në këtë etapë të re të jetës së tyre.
Vetëm pak javë më parë, dyshja u shfaqën së bashku, duke zbuluar edhe shtatzëninë.
Adriani dhe Sidorela janë të lidhur prej kohësh. Marrëdhënia e tyre u përfol për herë të parë publikisht në vitin 2019. Ata kanë preferuar ta mbajnë lidhjen larg ekspozimit mediatik.
E po, urime.
