Foto: Angelina Jolie/ Imago

Nëse ka diçka që dihet me siguri për gardërobën e Angelina Jolie, është se ajo nuk ndjek thjesht “modën e momentit”.

Stili i saj karakterizohet nga pallto të gjera prej kashmiri, pantallona të qepura me kujdes dhe një paletë ngjyrash neutrale që është pa diskutim elegante. Kohët e fundit, fituesja e Oscar-it dhe nënë e gjashtë fëmijëve ka zëvendësuar çantat e mëdha të udhëtimit me një çantë të strukturuar trapezoidale, duke sinjalizuar një ndryshim të qartë në peizazhin e aksesorëve pikërisht në kohën e pranverës.

Jo shumë kohë më parë, të gjithë ishim të magjepsur nga rikthimi boho-chic, i frymëzuar nga yjet e stilit si Dakota Johnson dhe preferenca e saj për çanta të mëdha, prej lëkure të butë ngjyrë çokollate. Ndërsa ato çanta të mëdha dhe të buta ishin perfekte për dimrin e ngrohtë, pamja më e re e Jolie-së është një version më i sofistikuar që nuk e dinim se na duhej.

Çanta trapezoidale (e cila karakterizohet nga anët e zgjeruara dhe linjat arkitekturore) sjell një ndjesi pastërtie dhe rregullsie, pas stinëve me çanta të mëdha, të pa strukturuara dhe të mbingarkuara. Ato shtojnë një element elegance edhe te kombinimet më të thjeshta me bluza të bardhë dhe xhinse.

Ky stil tregon një përqendrim të qartë në detaj, funksionalitet dhe elegancë që e bën këtë aksesor thelbësor për pranverën që po vjen.