Me afrimin e pranverës, shumë prej nesh ndiejnë nevojën për një ndryshim të vogël në pamje. Flokët janë shpesh zgjedhja e parë kur bëhet fjalë për rifreskim të pamjes, por jo gjithmonë duam të heqim dorë nga gjatësia. Nëse jeni në kërkim të një transformimi të lehtë, praktik dhe stil, ekziston një trend që po bën namin këtë sezon.
Bëhet fjalë për balluket transparente/see thru bangs, një stil modern që po fiton gjithnjë e më shumë popullaritet.
Ndryshe nga balluket klasike, këto janë më të holla dhe lejojnë që balli të duket, duke krijuar një efekt natyral. Edhe pse ky trend ka qenë prej vitesh shumë i përhapur në vendet aziatike, tashmë ai po pushton edhe skenën e modës në Perëndim.
Avantazhi më i madh i ballukeve transparente është se ato e kornizojnë fytyrën pa e “mbuluar” atë. Fijet e lehta dhe hapësirat e vogla mes tyre krijojnë një pamje më të butë dhe shumë më të këndshme, perfekte për ditët e ngrohta që po vijnë.
Për më tepër, janë ideale edhe për vajzat që nuk kanë provuar kurrë më parë balluket.
Falë volumit të tyre minimal, këto balluke janë shumë të lehta për t’u stiluar dhe kërkojnë më pak mirëmbajtje.
Një tjetër avantazh është fakti që mund të “zhduken” lehtësisht duke u përzier me pjesën tjetër të flokëve, nëse dëshironi një look më të thjeshtë në ditë të caktuara.
Nëse po mendoni për një ndryshim të vogël, por me efekt të madh, balluket transparente janë zgjedhja ideale për këtë pranverë.
Një detaj i vogël që mund t’i japë pamjes suaj një freski dhe elegancë të menjëhershme.
-
Sekreti për flokë voluminozë është ky truk i viteve '90
28 Mars, 10:36 -
-
-
