Ka disa gjëra që i nënvlerësojmë deri sa i ndryshojmë dhe flokët janë një prej tyre. Një prerje e re nuk është thjesht një ndryshim estetik, por është mënyra si bie drita në fytyrë, si theksohen tiparet dhe, shpesh, si perceptohet mosha jote.
Dhe sipas stilistes së flokëve Jennifer Korab, ndonjëherë diferenca mes një pamjeje të lodhur dhe një pamjeje më të freskët është edhe gjatësia e flokëve.
A ndikon realisht gjatësia e flokëve në mënyrën si dukesh?
Flokët janë njësoj si makeup-i: nëse janë shumë të rëndë, të rrafshët ose pa formë, mund të të “zbehin” tiparet. Nëse kanë lëvizje dhe volum, bëjnë të kundërtën.
Prerja #1 që të bën të dukesh më e re
Nëse duhet të zgjedhësh vetëm një: bob në gjatësi mesatare, ose “lob” (long bob).
Është mjaftueshëm i gjatë për stilim, por jo aq i gjatë sa të rëndojë fytyrën. Kjo e bën të përshtatshëm për shumicën e formave të fytyrës.
4 alternativa që japin të njëjtin efekt
Nëse nuk je gati për një lob klasik, këto janë opsione të tjera që funksionojnë:
Bob deri te mjekra – thekson mollëzat dhe jep një efekt lifting
Gjatësia deri te klavikula – zbut tiparet
Flokë të gjatë me shkallëzim – ruan gjatësinë pa e bërë flokun të duket i rëndë
Bob i pjerrët – më i shkurtër mbrapa, më i gjatë përpara, shumë modern
