Çifti shqiptar, Bardhi dhe Sara Gjordeni, sot kanë marrë një hap të rëndësishëm duke kurorëzuar dashurinë e tyre me martesë. Çifti e ndau lajmin emocionues me ndjekësit e tyre në rrjete sociale, duke postuar fotografi të këtij momenti të veçantë që ata kishin ruajtur për këtë ditë.
Duket se çifti ka zgjedhur të rikthehet në Kumanovë për ceremoninë. Në një postim ku vihen re unazat dhe buzëqeshjet, Sara ka shënuar thjesht datën “11/11” me emojin e një unaze dhe një flete - duke lënë të kuptohet që kjo është dita e veçantë që kishin ruajtur për një moment të tillë.
View this post on Instagram
Ndërkohë, Sara, e njohur për publikun shqiptar që prej pjesëmarrjes së saj në “Big Brother VIP Albania 3”, nuk e fshehu entuziazmin për këtë fazë të re të jetës. Çifti po përgatitet për një tjetër moment të madh: shumë shpejt ata do të bëhen prindër për herë të parë dhe do të mirëpresin një vajzë në familjen e tyre.
Kujtojmë që Bardhi ka publikuar këngën e tij, “Çikës tem,” një projekt që shfaq një anë më personale të tij, duke ndarë me publikun momente të vështira që ka përjetuar në karrierë dhe në jetën private. Por, ajo që i emocionoi më shumë ndjekësit ishte zbulimi i emrit të vogëlushes që Bardhi dhe Sara presin së shpejti. Çifti ka vendosur ta quajë vajzën Nea, emër që për ta mbart një kuptim të veçantë.
Sara e ndau kuptimin e emrit në një postim në Instagram, ku shpjegoi se Nea rrjedh nga greqishtja e lashtë dhe simbolizon “dikë që mbetet gjithmonë i ri, në shpirt e pamje dhe që vazhdimisht përmirëson veten.” Në fenë islame, Nea ka një tjetër kuptim të bukur, duke u përkthyer si “një dhuratë e frytshme, një person që sjell dritë dhe gëzim gjatë gjithë jetës.”
Artikuj të sugjeruar:
