Ka kompani që rriten gradualisht, pothuajse pa zhurmë. Ka të tjera që, ndërsa zgjerohen, fillojnë të ndryshojnë mënyrën si flitet për punën, karrierën dhe jetën profesionale. Në Shqipëri, Concentrix duket se po hyn pikërisht në këtë kategori.
Për shumë të rinj, emri i kompanisë lidhet fillimisht me një mundësi punësimi. Por, për ata që e njohin më nga afër, Concentrix po ndërton diçka më të madhe se kaq: një kulturë pune që tenton të largohet nga modeli tradicional i “thjesht një zyre”.
Në një kohë kur mënyra si punojmë po ndryshon me shpejtësi, edhe pritshmëritë e brezit të ri kanë ndryshuar. Sot, një ambient modern pune nuk matet vetëm me pozicionin apo pagën. Matet me paketën e plotë të benefiteve, fleksibilitetin, mundësinë për t’u zhvilluar, energjinë e ekipit dhe ndjesinë se po ecën përpara.
Dhe ndoshta kjo është një nga arsyet pse Concentrix ka krijuar një profil ndryshe në tregun lokal të punës.
Kufjet e Concentrix i vendosin studentë që hedhin hapat e parë në karrierë, profesionistë që kërkojnë një ambient më ndërkombëtar, por edhe njerëz që kanë zgjedhur të rriten brenda kompanisë dhe të ndërtojnë role drejtuese me kalimin e kohës. Ritmi është dinamik dhe kultura e punës duket më afër modelit të kompanive moderne europiane sesa perceptimit klasik që shumë njerëz kanë ende për industrinë e shërbimit të klientit në Shqipëri.
Pjesë e kësaj kulture janë edhe elementë që sot po bëhen gjithnjë e më të rëndësishëm për mënyrën si njerëzit zgjedhin të punojnë: akses në platforma zhvillimi si LinkedIn Learning, aktivitete wellbeing, team buildings, palestër falas dhe fleksibilitet për të punuar remote, në varësi të projektit. Të gjitha këto nuk paraqiten thjesht si benefite “corporate”, por si pjesë e një mënyre më moderne të të menduarit për balancën mes jetës dhe punës.
Në një treg ku shpesh dominojnë diskutimet për largimin e të rinjve apo mungesën e perspektivës profesionale, kompani të tilla po krijojnë gradualisht një tjetër narrativë: atë të një brezi që kërkon ekspozim global, pa qenë domosdoshmërisht i detyruar të largohet nga Shqipëria.
Ndoshta edhe për këtë arsye, zgjerimi i Concentrix në Durrës nuk duket thjesht si hapja e një tjetër zyre. Ka diçka simbolike në faktin që një kompani globale po “ankoron” edhe në qytetin bregdetar që vitet e fundit ka nisur të marrë një energji të re.
Durrësi nuk është më vetëm qyteti i verës apo i fundjavave. Është një qytet që po ndryshon ritëm. Po tërheq biznese, zhvillim dhe një brez të ri profesionistësh që kërkojnë më shumë mundësi pranë qytetit ku jetojnë. Në këtë kontekst, ardhja e Concentrix krijon një lidhje natyrale mes një qyteti në transformim dhe një kompanie që po zgjerohet me të njëjtin ritëm.
Edhe vetë ideja e “ankorimit” duket se funksionon përtej lojës me fjalët. Sepse nuk bëhet fjalë vetëm për një adresë të re apo për një hapësirë të re pune. Bëhet fjalë për krijimin e një tjetër pike energjie, ku njerëz të ndryshëm takohen, zhvillohen dhe ndërtojnë eksperienca që shpesh shkojnë përtej vetë punës.
Në fund, kompanitë më interesante nuk janë domosdoshmërisht ato që flasin më fort për veten. Janë ato që arrijnë të krijojnë lëvizje rreth tyre. Dhe në Shqipëri, Concentrix po bën pikërisht këtë.
