Ka momente që nuk kanë nevojë për shumë shpjegime dhe ky është një prej tyre. Në ditëlindjen e saj të 37-të, Dafina Zeqiri vendosi të ndajë një nga momentet më personale deri tani: portretin e parë të djalit të saj, Daskan.
Gjatë festimeve, Dafina publikoi disa foto ku shfaqet duke pozuar me të voglin, dhe më pas edhe me partnerin e saj, Kreshnik Gjergji. Në përshkrimin e fotos, ajo shkroi: “Ditëlindja ime, por dhurata ime je ti.”
Vetëm në janar 2025, Dafina konfirmoi se ishte në pritje të ëmbël, duke ndarë për herë të parë publikisht lajmin që përflitej prej kohësh. Marrëdhënia e saj me Kreshnikun kishte qenë shpesh në vëmendje, sidomos pas kurorëzimit të lidhjes së tyre.
Në korrik të po atij viti, këngëtarja u bë nënë për herë të parë dhe zbuloi edhe emrin e djalit: Daskan. Një emër i veçantë, ashtu si edhe vetë momenti që e shoqëroi.
Që atëherë, Dafina është tërhequr disi nga koncertet për t’iu përkushtuar familjes, por ka mbetur prezente për publikun përmes projekteve muzikore. Dhe tani, me postimet e saj të fundit, këngëtarja duket se po kalon një tjetër kapitull: më të qetë, më personal dhe më të lumtur.
