Pas prindërve, radha i erdhi vëllezërve dhe motrës. Brooklyn Beckham duket se ka mbuluar tatuazhet që kishte bërë për ta, pas konflikteve me familjarët.
Më parë, Brooklyn kishte tatuazh emrat e vëllezërve dhe motrës në gishta. Ato ishin ende të dukshme në një video gatimi të publikuar prej tij më 29 janar, por së fundmi ato janë mbuluar me një dizajn bardhë e zi në formë reje, që mbulon dorën dhe gishtat e tij. Ndërkohë, tatuazhet e shumta që Brooklyn ka bërë për bashkëshorten, Nicola Peltz Beckham, qëndrojnë ende të paprekura.
View this post on Instagram
Këto nuk janë tatuazhet e vetme kushtuar familjes që ai zgjodhi të mbulojë. Pak ditë më parë, në shumë portale qarkulluan foto të krahut të tij, ku tatuazhi kushtuar babait, David Beckham ishte ndryshuar. Sipas burimeve, Brooklyn kishte zëvendësuar edhe një tatuazh tjetër në kraharor, të dedikuar për nënën e tij, Victoria Beckham.
Edhe pse ka zgjedhur të heshtë që prej deklaratave të fundit, veprimet e tij po tregojnë më shumë se fjalët. Siç paralajmëroi, ai nuk ka ndërmend të pajtohet me asnjë prej familjarëve, dhe zemërimi i tij nuk kursen as vëllezërit dhe motrën e vogël.
