Nuk e dimë nëse edhe të tjerët ndihen njësoj, por sa herë vishesh me veshje sportive elegante për palestër, e ndien menjëherë rritjen e energjisë, motivimit dhe vetëbesimit.
Edhe pse i gjithë kombinimi ka rëndësi, streçet që zgjedh mund ta bëjnë ose ta prishin veshjen, sidomos nëse janë të parehatshme, nuk rrinë bukur, ose thjesht s’të përshtaten me humorin e ditës. Një trend streçesh të cilat po zgjidhen gjithnjë e më shpesh, sepse të bëjnë të ndihesh fine dhe e kuruar, janë streçet blu të errët dhe s'jemi të vetme: Jennifer Lopez sapo veshi një palë të tilla.
Gjatë fundjavës, J.Lo postoi një foto ku kishte shkruar: “Nuk mund ta ndaloj shkëlqimin tim”. Në imazh, ajo mban streçe shkëlqyese në blu të errët, të kombinuara me një bluzë të bardhë me mëngë të gjata, çorape të bardha deri te pulpa, atlete të bardha dhe një kapele bejsbolli në të njëjtën ngjyrë blu me shkronjën “J” sipër. Si gjithmonë në stilin e saj, ajo mbante në dorë një shishe uji të zbukuruar me gurë.
Po, streçet e zeza janë klasike, por getat blu të errët duken më luksoze. Nuk janë aq të forta në pamje sa e zeza; përkundrazi, janë më të buta, me thellësi dhe karakter. Pas të zezës, bluja e errët është nuanca më e gjithanshme që mund të veshësh.
Duken perfekte me pjesë të tjera blu dhe kombinohen po aq bukur edhe me ngjyra si kafe, e bardhë, krem, gri, e kuqe dhe e verdhë.
-
-
-
Këto kombinime sapo më bindën që t’i rikrijoj menjëherë! *.*
21 Nëntor, 13:06 -
-
