Të enjten, më 10 korrik, shtëpia e ankandeve Sotheby’s shiti online një çantën e parë ikonike Birkin për shifrën rekord prej 8.6 milionë euro (rreth 10 milionë dollarë), duke e kthyer atë në çantën më të shtrenjtë të shitur ndonjëherë në ankand. Dhe ndjekësit janë të bindur: Kim Kardashian është ajo që e bleu.
Vetëm dy ditë më vonë, të shtunën më 11 korrik, Kardashian postoi një video në Instastory, ku një version i saj i krijuar me inteligjencë artificiale thyen një kuti xhami ku ndodhet çanta origjinale Birkin, e frymëzuar nga aktorja dhe modelja e ndjerë Jane Birkin. Videoja, e publikuar fillimisht një faqe që krijon video me inteligjencë artificiale, mbante mbishkrimin "birKIM", një Bashkim fjalësh mes Birkin dhe emrit të Kim.
Pas videos, Kim ndau disa mesazhe që kishte marrë nga miq të saj, të gjithë kuriozë nëse ajo ishte blerësja e mistershme.
“Mos je ti ajo që bleve çantën e parë Birkin?” shkruante një mesazh.
“Ti bleve çantën e Jane Birkin?!!!” pyeste dikush tjetër, shoqëruar me një ikonë që qan.
Mesazhi i fundit që ndau Kardashian ishte i drejtëpërdrejtë:
“Okay, më thuaj të vërtetën, e bleve apo jo Birkin-in?”
Megjithë spekulimet e shumta në internet, çanta u ble nga një koleksionist privat në Japoni, përmes Maiko Ichikawa, përfaqësuese e Sotheby’s në këtë shtet. Identiteti i blerësit mbetet i panjohur.
Sipas Associated Press, ankandi nisi nga 1 milion dollarë dhe kishte oferta si në sallë ashtu edhe përmes telefonit. Tre ofertat më të larta pas asaj fituese ishin: 6.2 milionë euro, 6.5 milionë dollarë dhe 6.8 milionë dollarë.
Përveç Kim Kardashian, në listën e personave të përfolur si ofertues ishte edhe Lauren Sanchez, bashkëshortja e Jeff Bezos.
