Justin Bieber dhe Hailey Bieber u shfaqën së fundmi bashkë, pas raportimeve se mes tyre ka një krizë në çift, e cila mund të çojë në një divorc. Dyshja u fotografua në një koncert, gjatë performancës së Martin Garrix në State Historic Park.
Ata ishin në sektorin e VIP-ave dhe Hailey i dhuroi një buzëqeshje të shoqit.
Justin and Hailey living their best life at Martin Garrix’s show in LA ???? pic.twitter.com/znNFt5K0rV
— lola ????? (@biebsbloom) June 30, 2025
Në një tjetër video që qarkullon në rrjetet sociale, Justin shihet duke i vendosur dorën në qafë Hailey-t.
Kjo dalje vjen mes zërave që thonë se Hailey dhe Justin po kalojnë një periudhë të vështirë. Një burim i tha Entertainment Tonight se çifti është duke “u zënë shpesh” dhe se “Justin irritohet lehtë dhe mendon se Hailey është sipërfaqësore sa i përket mënyrës si duket marrëdhënia e tyre në sytë e publikut.”
Ata shtuan gjithashtu se “mungesa e motivimit nga ana e Justin-it është shqetësuese” dhe se “gjërat nuk janë mirë.”
Një person tjetër u shpreh Us Weekly se “Justin po kalon një periudhë të vështirë dhe Hailey po i jep hapësirë për t’u rikthyer siç ka qenë. Ai po përpiqet, por është e vështirë. Gjërat kanë qenë shumë të tensionuara muajin e fundit. Hailey është e shqetësuar për Justin-in, sidomos tani që kanë një fëmijë. Ai nuk ka qenë në këtë gjendje të mirë prej kohësh, ndaj ka arsye për shqetësim.”
Burimi anonim shtoi gjithashtu se mundësitë që ata të divorcohen “janë shumë të vogla, sidomos për shkak të besimit të tyre fetar” dhe se në fund “ata besojnë se janë shpirtra binjakë dhe të destinuar për njëri-tjetrin. Do bëjnë gjithçka për ta bërë marrëdhënien të funksionojë. Ai është pak i paparashikueshëm dhe Hailey po i lë hapësirë për këtë. Ata do ta kalojnë këtë periudhë.”
Epo, shpresojmë!
-
-
-
Sipas miqve të tyre, Hailey dhe Justin janë "një fije larg" divorcit
22 Qershor, 11:56
