
Elijona dhe Klodi, ish-banorë të “Big Brother VIP Kosova 4”, kanë rikthyer edhe një herë aludime për një romancë mes të dyve pas një postimi që kanë bërë me njëri-tjetrin së fundmi.
Dyshja publikuan një video në TikTok ku kërcenin e këndonin së bashku me “A jena mirë” të Ledri Vulës në sfond. Ky bashkim, shtuar dhe zgjedhja e këngës për videon, ka rikthyer dyshimet për një lidhje mes tyre.
View this post on Instagram
Prej disa javësh, në rrjet po qarkullojnë aludime se dyshja mund të ketë nisur një romancë jashtë shtëpisë së "BBVK". Këto zëra u përforcuan pas konfirmimit të ndarjes së Klodit nga partnerja e tij italiane dhe pushimeve që ai kaloi me Elijonën në Turqi, në shoqërinë e miqve të përbashkët. Gjithashtu, daljet e tyre së bashku në Tiranë nuk u kanë shpëtuar syve kuriozë.
Interesi për raportin e dyshes ka nisur që gjatë “Big Brother VIP Kosova 4”, ku gjatë qëndrimit në shtëpi, Elijona nuk e fshehu pëlqimin për Klodin. Ai nga ana tjetër, u tregua gjithmonë më i rezervuar në raport me të dhe e pranoi për herë të parë se kishte ndjenja vetëm pas daljes nga reality show, në “Post BBVK”.