Drama mes Brooklyn Beckham dhe prindërve të tij, David dhe Victoria Beckham, po merr përmasa gjithnjë e më të mëdha. Së fundmi, në konflikt është përfshirë edhe ish-parukieri i Nicola Peltz, i cili ka dalë publikisht në mbështetje të familjes Beckham, duke hedhur akuza të rënda ndaj Nicola-s.

Justin Anderson, i cili ka punuar me Peltz në vitin 2014 gjatë turneut promovues të filmit “Transformers: Age of Extinction”, komentoi në Instagram se Nicola ishte “një nga njerëzit e famshëm më të këqij” me të cilët kishte punuar ndonjëherë. Ai e quajti atë një “mollë të kalbur” (bad apple – nënkupton një person problematik, që prish harmoninë e grupit/familjes, që ndikon për keq te të tjerët) dhe sugjeroi se problemi në këtë konflikt nuk është familja Beckham, por vetë Nicola.

“E dija që kjo martesë nuk do t’i bënte mirë asaj familjeje,” shtoi Anderson më vonë në një story në Instagram, duke thënë se kishte ndjerë “energji të keqe” që në fillim. “Kur dikush nuk është i sjellshëm, kjo del gjithmonë në pah. Nuk mund ta fshehësh,” shkroi ai.

Deklaratat e tij vijnë vetëm pak ditë pasi Brooklyn Beckham tronditi rrjetin me një postim të gjatë në Instagram, ku sulmoi hapur prindërit e tij. Ai i akuzoi ata për “gënjeshtra të panumërta” dhe për përpjekje të vazhdueshme për të “shkatërruar martesën” e tij me Nicola-n. Në deklaratë, Brooklyn tha se nuk dëshiron të pajtohet me familjen dhe se për herë të parë në jetën e tij po mbron veten.

Më shumë për dramën: