Kris Jenner ka folur hapur për përvojën e saj me ilaçin për humbje peshe Ozempic, duke treguar se e ka provuar përpara se të bëhej i njohur gjerësisht, por nuk i kishte bërë mirë.
Në një dalje në podcast-in "SHE MD", 70-vjeçarja tregoi se përvoja e saj me këtë ilaç GLP-1 nuk kishte qenë aspak e lehtë:
“Nuk kam bërë, si të thuash, Ozempic. E provova. E provuam një herë kur askush nuk e dinte çfarë ishte dhe më bëri shumë keq.”
Ajo shpjegoi se efektet anësore kishin qenë të forta:
“Nuk mund të punoja më. Nuk mundesha. Isha shumë keq, kisha përzierje. Dhe doktoresha më tha: ‘Në rregull, në rregull. Le të provojmë diçka tjetër.’”
Pas kësaj përvoje, Jenner tha se kishte kërkuar alternativa të tjera me mjeken e saj, derisa gjetën një zgjidhje më të përshtatshme.
“E kuptova se injeksionet me peptide ishin shumë të mira për mua. Dhe pastaj i kombinoj me suplemente.”
Ajo shtoi se kjo për të kishte qenë një ndryshim i madh:
“Dhe kjo ishte një pikë kthese. Kjo më dha edhe disa orë më shumë në mbrëmje, sepse zgjohem shumë herët. Zakonisht dua të shtrihem sapo mbaroj email-in e fundit, telefonatën e fundit, shoh fëmijët, ha darkë dhe pastaj jam e mbaruar.”
Jenner tha gjithashtu se kjo rutinë i ka rritur energjinë dhe ndihmon edhe për flokët, thonjtë dhe lëkurën.
Në të njëjtën intervistë, ajo foli edhe për ndërhyrjen estetike në fytyrë, duke thënë se është e kënaqur me rezultatin dhe e konsideron një vendim personal për t’u ndier më mirë me veten.
