Lindsay Lohan u paraqit në premierën e "Freakier Friday" në Londër me një fustan të rikrijuar që frymëzohej nga roli i saj i famshëm si Anna Coleman në "Freaky Friday"-n origjinal të vitit 2003. Stilistja e saj, Andrew Mukamal, e rikrijoi fustanin ikonik në një version të ri nga Ludovic de Saint Sernin, i zbukuruar me gura të bardhë dhe argjendi në fund dhe në brez, detaje që i jepnin nostalgjinë dhe glam-in e asaj kohe.
Përveç fustanit, Lindsay mbajti edhe një çantë vintage Judith Leiber që dukej si një kitarë elektrike e kuqe, një referencë e qartë ndaj kitarës që Anna mbante në skenën finale të filmit. Veshjes i shtuan elegancë byzylykët prej diamanti dhe unaza e fejesës.
Look-u ishte minimal në make-up, flokët e gjatë biondë u lanë lirshëm me krehje, ndërsa grimi ishte neutral me nuanca rozë dhe nude për buzët dhe sytë, duke e lënë gjithë vëmendjen të fokusohej te fustani i aktores.
Kjo nuk është hera e parë që Lindsay i bën homazh roleve të saj të famshme. Më 28 korrik, ajo u shfaq në Good Morning America me një set ngjyrë të verdhë, që nderonte look-un e Annie James në "Parent Trap" të vitit 1998.
Dhe për të mos harruar Hallie Parker-in nga "The Parent Trap" origjinal të 1997, Lohan u shfaq me një minifustan Roberto Cavalli me motive të gjalla tropikale dhe aksesorë retro që të rikthenin imazhin e filmit.
-
-
-
-
Më fal?! A$AP Rocky bëhet viral pasi u shfaq me taka të kuqe
31 Korrik, 11:10 -
-
