Historia që qarkullon prej kohësh në rrjet për Sara Hoxhën dhe Erik Fullanin duket se ka marrë një kthesë të re, ose të paktën kështu mund të interpretohet nga lëvizjet në Instagram.
Sara dhe Eriku nuk e ndjekin më njëri-tjetrin në rrjetin social dhe duket se çfarëdo avancimi kishte marrëdhënia e tyre, me siguri është ndërprerë.
Aludimet për një romancë mes dyshes filluan në qershor të vitit 2025, kur një foto e të dyve duke pushuar dhe biseduar në plazh, në jug të Shqipërisë, u shpërnda me shpejtësi në rrjet.
Më vonë, në të njëjtin muaj, Sara dhe Eriku u fotografuan edhe në ditëlindjen e djalit të Olta Gixharit, ku prania e tyre në të njëjtin event u interpretua si një tjetër shenjë e afërsisë mes tyre (marrë parasysh që miqësinë më të madhe me Oltën e kishte Sara).
Ndërkohë, në korrik të 2025-ës, Ledri Vula u pyet në mënyrë indirekte për romancën e aluduar të ish-partneres së tij dhe u shpreh se Sara dukej e lumtur, duke shtuar se për të ishte e rëndësishme mirëqenia e saj dhe e vajzës së tyre, Poem Blu.
Megjithatë, gjatë gjithë kësaj kohe, as Sara dhe as Eriku nuk kanë bërë ndonjë deklaratë publike për të konfirmuar apo mohuar romancën e përfolur.
Tani, lëvizja e fundit në Instagram mund të lexohet si një sinjal i mundshëm distancimi ose mbylljeje të një kapitulli që kurrë nuk u konfirmua zyrtarisht.
