Reperi i njohur Betim Januzi, i njohur si Buta, është arrestuar e nga Policia e Kosovës në Ferizaj.
Sipas informacioneve të para, ai dyshohet se ka dhunuar një person, ndërsa gjatë incidentit janë raportuar edhe të shtëna me armë zjarri.
Forcat policore raportojnë se, përveç dhunës fizike mes dy personave, ka pasur edhe të shtëna.
Si pasojë e konfliktit, një person ka mbetur i lënduar, teksa janë gjetur dhe sekuestruar një armë si dhe tri gëzhoja.
Kjo nuk është hera e parë që emri i Butës përfshihet në çështje të tilla. Në shtator të vitit të kaluar, ai u arrestua pas një kontrolli policor, ku u akuzua për përfshirje në shitblerje narkotikësh dhe armëmbajtje pa leje.
