Shoqëria është një nga gjërat më të bukura që kemi në jetë – kur funksionon. Kur nuk funksionon? Mirë se erdhe në dramën më të re të Netflix-it me titull “Pse dreqin mbaj ende shoqëri me këtë njeri?!”.
Ka disa sjellje që i kemi normalizuar aq shumë, sa i kalojmë me “kështu e ka ky person”, por në të vërtetë janë flamujt më të kuq dhe alarmantë në një marrëdhënie shoqërore. Nëse sheh veten apo ndonjë nga “vajzat” në pikat më poshtë, s’po të themi të dalësh nga grupi në WhatsApp, por ndoshta është koha për një analizë të vogël.
1. Merr mesazhin “Heyyy, si je ti?” vetëm kur i duhet një nder prej teje
Nëse të merr në telefon vetëm kur i është prishur makina, kur s’i hapet laptopi, ose kur i duhet ndonjë orar tek estetistja – përshëndetje, je call center, jo shoqe.
Shoqëria është e dyanshme. Po, jeta bëhet e ngarkuar, por një mesazh si ai më sipër pa ndonjë interes të fshehtë, nuk është shumë për të kërkuar. Dhe kur s’e merr kurrë, ndoshta përgjigjja është se ajo s’të do në jetë, të do në funksion të asaj që i leverdis.
2. “E lëmë këtë muhabet se s'më pëlqejnë dramat”
S’të thotë kurrë “më fal”, por të propozon heshtje me buzëqeshje pas një gafe që të ka lënduar? Ky nuk është maturim, është evitim emocional.
Shoqet që shmangin bisedat e sikletshme dhe i shtyjnë me një “mos ta zgjasim më mirë”, janë zakonisht po ato që shkaktojnë dramën.
3. Është 24/7 në Instagram, por “s’e pa mesazhin tënd”
Është ndryshe të jesh e zënë dhe ndryshe të mos duash të komunikosh. Dhe kur dikush nuk e sheh mesazhin tënd, por komenton kudo tjetër, ti nuk je gabim që ndihesh keq. Je thjesht e vetëdijshme që po të anashkalojnë – dhe kjo s’është normale në një miqësi.
4. “Hë se shaka po bëja”
Nëse i thua “nuk ndihem mirë kur e bën këtë” dhe ajo përgjigjet me "je shumë e ndjeshme” apo “kështu e kemi ne humorin”, nuk është normale. Është mungesë respekti.
Ti nuk je dramatike thjesht sepse e ke të qartë çfarë të bezdis. Dhe po, s’është detyrë e jotja të edukosh dikë që s’di si të sillet si njeri normal.
5. Kur është me ty, është një version. Kur vijnë të tjerë, s’të njeh më
E ke parasysh kur flet ndryshe, vishet ndryshe dhe sillet ndryshe kur është me ty, por bëhet komplet njeri tjetër kur jeni në grup? Dhe ti ndihesh si e padukshme në tavolinë?
Kur të përjashton nga plane, grupe apo aktivitete "pa qëllim", po qe se ndodh shpesh – e ka bërë me qëllim.
6. E ka jetën si garë me ty
“Sa mirë që e ke bërë këtë... Edhe unë do filloj të njëjtën gjë muajin tjetër.”
Në fillim të duket mbështetje. Pastaj vëren që gjithçka që bën ti, ajo e bën pak më fort, më shpejt, më bukur. Dhe një ditë zgjohesh e ndihesh sikur po garon për një medalje që s’e kërkove kurrë. Kjo është konsumuese.
-
-
Këto shenja do të shkëlqejnë në karrierë këtë muaj
12 Qershor, 12:48 -
-
Arsyeja e çuditshme pse çiftet që zihen shpesh, shtojnë peshë më shpejt!
11 Qershor, 19:32 -
5 tipe burrash që në teori na duken ëndërr, por në jetë janë katastrofë
10 Qershor, 18:23 -
Test: Për çfarë propagande *refuzon* të biesh në grackë?
10 Qershor, 17:45
Burimi: Your Tango
