Jay-Z ka habitur fansat me transformimin e tij më të fundit. Reperi legjendar u shfaq me një model të ri flokësh gjatë ndeshjes së tretë të finales së NBA në Madison Square Garden më 8 qershor, duke lënë pas stilin e tij karakteristik dreadlocks që e kishte mbajtur për gati tetë vjet.

56-vjeçari tërhoqi menjëherë vëmendjen teksa ndiqte ndeshjen nga tribunat, i veshur me një xhaketë të veçantë Bode Lucky Draw. Megjithatë, “fati” nuk rezultoi i mjaftueshëm për ekipin që ai mbështeste, pasi humbi me rezultatin 115-111.

Dalja e tij në arenë ishte një moment solo, pasi bashkëshortja e tij, Beyoncé, dhe tre fëmijët e çiftit nuk ishin të pranishëm. Megjithatë, ai arriti të rrëmbejë vëmendjen edhe i vetëm për shkak të look-ut.

Sipas stilistes së njohur Letisia “Lety” Ravelo, procesi i transformimit nuk ishte aspak i thjeshtë. Ajo zbuloi se heqja e dreadlocks u realizua gjatë gjashtë ditëve intensive pune, në bashkëpunim me një specialiste të flokëve.

“Jay-Z e dinte që do të ishte një proces i gjatë dhe tregoi shumë durim. Nuk pati asnjë moment kur mendoi të hiqte dorë apo t’i priste flokët. Pasi mori vendimin, ishte plotësisht i përkushtuar”, ka treguar ajo.

Pas kësaj, flokët e reperit u gërshetuan për një javë dhe më pas u formësuan në stilin afro që po komentohet gjerësisht në rrjetet sociale.

Dhe reagimi i Jay-Z? Sipas stilistes, ai ishte më se i kënaqur.

“E pëlqeu jashtëzakonisht shumë. Sapo e pa rezultatin final, ishte vërtet i lumtur me transformimin.”