E kemi parë të këndojë, të protestojë, t’i bëje diss-e kryeministrit, por (mbase) Stresin, a.k.a Arkimed Lushajn, mund ta shohim në politikë.

Si?

Ja, e shpjegojmë me kujdes. Përmes një reagimi të publikuar në rrjetet sociale, vetë Stresi bëri të ditur se do të kandidojë për një vend në Këshillin Kombëtar të Partisë Demokratike të Shqipërisë.

Sipas tij, kjo tentativë “për të futur këmbët në politikë” lidhet me dëshirën për të përfaqësuar të rinjtë dhe për të sjellë më pranë institucioneve problemet dhe shqetësimet e tyre. 

Madje, theksoi se përvoja personale e ka njohur më mirë me realitetin, teksa bëri një thirrje edhe për të rinjtë:

Si saktësisht mund të përfshihet në politikë?

Kandidatët në Këshillin Kombëtar të Partisë Demokratike propozohen nga strukturat e partisë ose vetëkandidohen, ndërsa delegatët e kuvendit votojnë për emrat që do të jenë pjesë e këshillit. 

Po nëse zgjidhet?

Le të themi se Stresi do të jetë një zë brenda strukturave të PD-së për të adresuar problematika të caktuara dhe një nga anëtarët që kontribuon në politikat e brendshme të partisë.

E po, suksese!