Ka një moment çdo pranverë kur papritur e gjen veten që del më shpesh, vishesh më mirë, përgjigjesh më shpejt në mesazhe... dhe toleron më shumë konfuzion seç do toleroje në janar.
Rastësi? JO!
Pranvera është sezoni kur jemi më socialë, më të hapur dhe më pak racionalë. Dielli bën punën e vet, serotonina dhe dopamina bëjnë të tyren, dhe ti papritur mendon: “s’ka gjë, ta shohim ku shkon” edhe kur e di shumë mirë që nuk po shkon askund.
Kështu lind ajo që sot quhet situationship! Është ajo marrëdhënia jo konkrete, pa tituj, pa status, pa qartësi, ai raporti që ndihet mirë në moment, por nuk ka asnjë lloj drejtimi dhe zakonisht ka një mungesë dëshire dhe vullneti nga njëra palë, për t’i dhënë drejtim. Ka flirt, ka kimi, ka “let’s hang out”, por nuk ka “what are we?”.
Tani, ç’ndodh kur vjen pranvera? Shtohet më shumë numri i atyre që nuk kanë qejf ta bëjnë këtë pyetje.
Një gotë pas punës, fundjava spontane, njerëz të rinj, energji e re. Askush nuk do të ulet dhe të diskutojë ndjenja të thella kur sapo ka filluar të shijojë jetën pas dimrit. Të gjithë duan diçka të lehtë. Dhe “e lehtë” shumë shpesh përkthehet në "të paqartë".
Problemi? Ti mund të mendosh që je në diçka “fun”, ndërkohë që emocionalisht po futesh më thellë seç kishe planifikuar.
Problemi tjetër? Si ta shmangësh pa u bërë boring!
Mos u kap vetëm pas vibe-it. Energjia mund të jetë e këndshme, por është edhe mashtruese. Nëse dikush është gjithmonë "shohim e bëjmë", zakonisht e dini ç’do të thotë. Bëni si ta ndjeni, por mos romantizoni konfuzionin.
Mbi të gjitha: nëse ndihesh pak e pasigurt edhe kur gjërat duken bukur, zakonisht është intuita që të thotë që kjo nuk është aq e shëndetshme sa duket
Gjithsesi, jo çdo situationship është problem. Ndonjëherë është thjesht një fazë. Një histori e lehtë, një flirt i bukur, një pothuajse-lidhje që nuk kishte për qëllim të bëhej më shumë.
Mbase, kjo është e gjithë ideja e pranverës: jo çdo gjë duhet të kthehet në diçka serioze.
Vetëm sigurohu që nuk po humbet veten në diçka që as vetë nuk e di çfarë është. Prandaj, dil pak në ajër të pastër, merr IQOS-in tënd që të shoqëron në momentet reflektuese, sigurisht nëse je përdorues, kujto që vjeshta vjen shpejt dhe sigurohu të marrësh vendimet e duhura.
- Artikull promovues
