Rihanna u shfaq të shtunën në Bruksel për premierën botërore të filmit të ri "The Smurfs", e veshur me një krijim të personalizuar të Chanel në një nuancë blu të lehtë, njohur si baby blue, duke “rrëmbyer” të gjithë vëmendjen.
Këngëtarja, e cila dublon zërin e Smurfettës, mbante veshur një bluzë të transparente. Bluzën e zbukuronin kristale të ndritshme dhe pupla të cilat valëviteshin në mënyrë magjepsëse, duke i shtuar veshjes një efekt magjik pamjes.
E kombinuar me një fund të gjatë mëndafshi në të njëjtën nuancë, i qëndisur në skaje, Rihanna krijoi një veshje plot stil. Ajo e plotësoi këtë pamje me flokë gjysmë të kapura dhe disa bizhuteri, duke krijuar një look elegant dhe të thjeshtë.
Përveç angazhimit të saj si këngëtare dhe sipërmarrëse, Rihanna ka shfaqur shpesh një pasion për modën, duke bashkëpunuar me disa marka luksoze dhe duke krijuar tendenca të reja në të gjithë botën.
