Presley Ann/Getty

Aktorja legjendare, Sharon Stone ka vendosur të rikrijojë një nga momentet më ikonike të saj nga filmi “Basic Instinct”, duke na provuar edhe një herë se është po aq e guximshme dhe joshëse, sa ishte dekada më parë. Në imazhet që kanë bërë xhiron e rrjeteve sociale, Stone shfaqet vetëm me një fustan transparent, e rrethuar nga modelë meshkuj, përfshirë edhe ish-partnerin e Halle Berry-t, Gabriel Aubry.

Pamjet kanë ngjallur reagime të shumta online, me komente që vlerësojnë guximin e saj. Në një nga fotot më të diskutueshme, Stone pozon topless, ndërsa një grup burrash qëndron i ulur para këmbëve të saj, si për të adhuruar hiret e aktores.

Në një tjetër foto, Sharon shfaqet e ulur në mes të dhjetëra burrave, me këmbët lehtësisht të hapura, një rikrijim i qartë i skenës legjendare nga “Basic Instinct”.

Ky rikthim në qendër të vëmendjes vjen pas një deklarate të fortë të aktores, e cila zbuloi se i ishte nënshtruar një operacioni për zmadhimin e gjoksit pa pëlqimin e saj.

“Tani që gratë shkruajnë, drejtojnë, prodhojnë dhe xhirojnë, filmat nuk rrotullohen më rreth fantazive mashkullore. Aktorët nuk kanë më nevojë të mishërojnë këto fantazi, e as kritikët nuk na gjykojnë më mbi bazën nëse i kemi përmbushur apo jo ato pritshmëri,” tha ajo.

Duke folur për ndryshimet që kanë ndodhur në industrinë e filmit në tri dekadat e fundit, Stone theksoi se studio të mëdha tashmë nuk investojnë më në një sërë projektesh dhe janë përqendruar te superproduksionet prej 200 milionë dollarësh. Megjithatë, ajo shtoi se platformat e transmetimit kanë sjellë një frymë të re dhe më shumë hapësirë për aktorët e rinj.