Benny Blanco dhe Selena Gomez po e marrin me qetësi rrugën drejt altarit.
Gjatë një episodi të ri të podcast-it “Therapuss With Jake Shane”, të publikuar të enjten, 10 korrik, producenti muzikor 37-vjeçar tregoi se ai dhe e fejuara e tij, Selena Gomez, ende nuk kanë nisur përgatitjet për dasmën.
“Jo ende, ndaj na duhet të qetësohemi pak. Të dy kemi qenë shumë të zënë me punë,” tha Blanco kur u pyet nëse kanë filluar organizimin e ceremonisë.
“U fejuam dhe pastaj nisëm xhirimet për klipet e albumit tonë, pastaj erdhën pushimet, më pas nisëm fushatën promovuese, kemi pasur aq shumë punë.”
Ai shtoi:
“Pastaj ajo shkoi të xhirojë serialin “Only Murders in the Building”, u takuam, kaluam një javë bashkë, dhe menjëherë pas kësaj ishte koha për promovime. Unë fillova të shkruaj një libër të ri, ajo u kthye vetëm për një ditë. Më pas, erdhi ditëlindja ime. Pra, shumë angazhime.”
Blanco pranoi se të dy kanë qenë aq të përfshirë në projekte të ndryshme, sa nuk kanë pasur as kohë të ulen e të flasin për dasmën, por theksoi se janë shumë të emocionuar.
“Mendoj se këtë verë do të ulemi dhe do të themi: ‘Okej, çfarë po bëjmë?,” shtoi ai.
Sa i përket stilit të dasmës, Blanco tha:
“Besoj se do të jetë diçka e thjeshtë, e këndshme.”
Më herët gjatë podcast-it, Blanco u shpreh se ndjente nevojën për një pushim të gjatë, pas një periudhe intensive pune.
“Sinqerisht, dua të marr pak kohë për veten. Kam punuar shumë dhe s’kam pasur kohë të pushoj. Dua vetëm të rri në shtrat, të harroj se çfarë dite është dhe të shoh ndonjë film,” tha ai.
Por shtoi se me Selenën, kjo bëhet edhe më e bukur:
“Zakonisht nuk më pëlqen të rri në shtrat gjithë ditën, por me Selenën mund ta bëj pa problem. Ajo më bën të dua të përqafohemi, të hamë gjëra të mira, të kemi ushqim përreth dhe të kalojmë çaste perfekte bashkë.”
Komentet e tij vijnë vetëm pak kohë pasi konfirmoi që Ed Sheeran do të jetë i ftuar në dasmën e tyre.
“I thashë Ed-it, ‘Do kem një dasmë dhe ti do vish patjetër.’ Ende s’kemi caktuar datën, por ai do jetë aty,” tha Blanco në një intervistë për televizionin australian Today muajin e kaluar.
