Këngëtarja shqiptare me famë botërore, Dua Lipa, i ka dhënë fund beqarisë. Artistja është martuar me aktorin britanik Callum Turner në një ceremoni private të zhvilluar të dielën, më 31 maj, në Londër.

Ceremonia u mbajt në Marylebone Town Hall dhe të pranishëm ishin vetëm nga një numër i vogël miqsh dhe familjarësh të afërt. Çifti, i cili konfirmoi fejesën vitin e kaluar, zgjodhi një event intim dhe larg vëmendjes së madhe mediatike.

Fotografitë e realizuara pas ceremonisë tregojnë dyshen teksa dalin nga bashkia më të lumtur se kurrë. Të buzëqeshur, Dua dhe Callum u përshëndetën nga të ftuarit përpara se të largoheshin së bashku.

Për ditën e veçantë, Dua Lipa zgjodhi një paraqitje elegante dhe ndryshe nga fustanet tradicionale të nusërisë. Ajo u shfaq e veshur me një komplet të bardhë, të shoqëruar me kapelë, doreza dhe pallto elegante, ndërsa pamjen e plotësoi me këpucë në të njëjtin tonalitet.

Nga ana tjetër, Callum Turner kishte zgjedhur një kostum të zi klasik, duke preferuar një stil minimalist dhe elegant për ceremoninë.

Sipas mediave britanike, ceremonia në Londër ishte vetëm formalizimi ligjor i martesës. Çifti pritet të organizojë një festë më të madhe në Sicili, ku do të mblidhen miq dhe familjarë të tjerë për të festuar martesën e tyre.

Lajmi vjen pas muajsh spekulimesh rreth marrëdhënies së tyre, ndërsa tashmë një nga çiftet më të komentuar të showbiz-it ndërkombëtar ka hedhur zyrtarisht hapin e radhës në historinë e tyre të dashurisë.

E po, urime!