A të ka ndodhur të përdorësh telefonin në makinë dhe papritur të ndihesh sikur gjithçka po rrotullohet, ndërsa të vjen edhe ndjesia e të përzierave? Pikërisht për këtë arsye, Apple ka shtuar një opsion që pothuajse askush nuk e përdor (sepse me gjasë nuk e di që ekziston).
Fillimisht, pse ndodh të kemi probleme nëse përdorim telefonin gjatë udhëtimin me makinë? Sepse tre sisteme në trup nuk bien dakord mes tyre: shikimi, veshi i brendshëm që kontrollon balancën dhe receptorët e trupit.
Kur sheh ekranin, sytë “mendojnë” që je i palëvizshëm. Ndërkohë, trupi e ndjen çdo lëvizje të makinës. Ky “konflikt” është arsyeja pse mund të kesh marramendje, të përziera, të të dhembë koka apo të ndihesh i çorientuar. Dhe sa më shumë të rrish në telefon, aq më e fortë bëhet kjo ndjesi.
Çfarë është ky funksion në iPhone dhe si funksionon
“Vehicle Motion Cues” dhe është pjesë e sistemit iOS 18. Në praktikë, ai shton disa pika të vogla të animuara në anët e ekranit që lëvizin sipas drejtimit të makinës. Duket e thjeshtë, por ideja është shumë më interesante:
- i jep syve një “sinjal vizual” që përputhet me lëvizjen që ndjen trupi
- redukton konfuzionin mes syrit dhe veshit të brendshëm
Si ta aktivizosh në iPhone
Nëse do ta provosh:
1. Shko te Settings.
2. Kliko Accessibility.
3. Pastaj Motion.
4. Aktivizo Show Vehicle Motion Cues
Ke tre opsione:
Off – i fikur
Automatic – aktivizohet vetëm kur je në makinë
On – gjithmonë aktiv
Rekomandohet “Automatic”, që të mos të të bezdisë kur nuk duhet.
Funksionon për të gjithë? Jo, domosdoshmërisht. Disa njerëz thonë që i ndihmon menjëherë. Të tjerë thonë që nuk bën diferencë, madje i bezdis. Sepse, si çdo gjë që lidhet me trupin, reagimi është personal. Por ju provojeni gjithsesi.
-
-
Si ta zgjasni baterinë e Iphone me një veprim të thjeshtë
9 Qershor, 14:06 -
